Tuesday, February 26, 2019

Gurindam Jiwa Luka (Terkenang Semasa Dulu)

gambar dari google images

Indahnya masa lalu ,
Tanpa wassap tanpa muko buku ,
Tok payoh mikir internet slow ataupun laju ,
Tak dok  raso serabut ,tak dok  raso saru ,
Tok sero puas ,tok sero jemu .
Orey kampung pulok pakat-pakat bersatu .
Kalu susoh ,pakat-pakat bantu .
Hubungan memey erat sungguh zamey ritu ,
Serupo adik-beradik walaupun pangkat 3 pupu.

Orey tuo duk titih keturunan siey maley ,
Bowok anok kenal worih , beley-beley gi jaley ,
Kalu  saloh jupo tengoh tepi jaley ,
Tak dok lah caro nok baloh ko nok perey ,
Mano tahu takut - takut sapey ,
Kurey-kurey ado jugok tempat buleh menumpey ,
Buleh sehari semaley .

Celik  jah butir mato bangun pagi ,
Turun rumoh , hungar gi ,
Tok caro doh ko makey nasi ,
Tok soh kato lah ko nok mandi ,
Pasal saing-saing ni duduk nati .
Kadey-kadey kito sendiri pun tok sir gi .
Tapi saing ni mari turut mari cari ,
Tengoh tidur pun gerok lagi .
Mugo tok sir wi saing sero hati ,
Gi jugok lah walau sebeloh kaki .

Dulu-dulu saing tino jatey ,
Orey tuo pun x rajin larey ,
Kadey-kadey mandi pun telanjey ,
Tapi tak dok raso pun nok pegey ,
Badi-badi bereney , badi-badi nyeley ,
Tapi tok rajin jadi bendo sumbey ,
Bezo sungguh nga budok sekarey ,
Jangey lok , jangey lah tebey .

Bilo maley hanyo bertemankan pelito .
Tak dok air cond , kipas apo .
Sejuk tok soh lah duk kato ,
Pukul 10 limut likuk , tok kabar apo .
Mugo maso tu udara memey berbezo.
Kadey-kadet royak budok loni , demo tok cayo .
Kato kito sajo reko cerito .
Nok wat guano , biarlah ko dio .
Demo-demo ni tok dey nok raso .
Beley-beley nulis baco bowoh pelito .
Ramai jugok hok telah berjayo ,
Tahniah dari ambo untuk semuo.

Budok-budok dulu nga loni jauh bezo .
Demo tok main doh serupo kito mulo.
Main talipon , tok kiro maso .
Tok caro pagi petey maley buto.
Dengan orey tuo pun wat  tok caro ,
Mugo saing samo-samo dio .
Kecek nga kito pun tok tengok  doh butir mato .
Tok kato anok orey , anok sapo .
Tapi tidoklah melibatkan semuo.

Kadey-kadey terlintas jugok daley hati ,
Indahnya hidup dulu banding loni.
Kalulah  maso buleh diputar kembali .
Walaupun jerit , walau tangisi ,
Kito keno jugok akui .
Maso dulu tok akan kembali lagi .

Beley-beley duk nengung sorey diri ,
Lamunan ku tibo-tibo berhenti ,
Pah mano lah saing dulu gi ,
Puas jejok , puas cari ,
Tapi raso sedih jugok daley hati ,
Kabar tok kabar , air mato ngalir di pipi.
Ruponyo ramai doh saing dijemput ilahi.
Al Fatihah dariku untuk sahabat hok  telah pergi .
Semoga roh mereka dicucuri dan dirahmati.


2 comments:

Diana Rashid said...

betul le..kita dulu walaupun tak de smartphone lagi tapi dari pagi celik2 mata ada je benda nak buat.Malam jam 10 terus tidur lena sebab siang banyak sangat aktivitinya. Budak2 sekarang jam 10 masih berjaga.sibuk dengan smartphone dan video game.

eelobor said...

kan.... dulu2 happy lain macam jer. Memang jauh berbeza dan zaman tersebut telah berlalu